這牌子很多人都知道吧! 最愛是黑加侖子、青檸, 還有芒果, 士多啤梨 ...
按包裝上說明: 在大碗內放入啫喱粉, 加入半碗熱水 + 半碗凍開水攪溶, 待涼, 放雪櫃約 3 小時 ... 我把之倒入有蓋膠盒中, 雪過夜, 食得!
如今想起來又想吃, 做起來顯得簡單多了!
雙色啫喱加花奶, 正!快速成法: 用 6 塊冰代替凍開水, 其餘做法同上!
天氣清爽多了, 間中有點涼, 燒烤、吃煎炸、熱氣東西的好時候!
簡單清熱一吓! 做涼粉隨時吃!涼粉(Herbal Grass Jelly) 又名仙草, 話說古時一老婦人中暑, 兒子到山上找藥去, 誰知又中暑暈到, 醒來就找着水流中黑色啫喱狀的東西吃, 結果暑氣全消!
詳細的典故及功效請參閱: givemen 仙草 ... 清熱利濕、涼血解暑
大半片庶糖加水煲溶放涼做糖水; 涼粉買回來用開水略洗, 薄薄的砌去表面一層, 切粒, 加棷奶幾香的 ... 好味!
這裏還有紅腰豆!
吃前擺個 mini 版本影相幾靚! 不過網友提點說這樣吃不對: 紅腰豆補血, 涼粉敗血(涼血), 這樣吃讓胃白忙一場, 吸收不到好處的!
在甜品舖吃生果+涼粉常常都超過 20元, 自己做, 10元以內就可以了!
涼粉加蜜瓜, 又甜又涼爽!
涼粉加糖水巳經夠好吃的了! 加入棷奶, 用半圓球的小匙挖蜜瓜球好易的, 又靚靚!
蜜瓜可能是美國的 Honey Drew, 甜蜜味, 一咬香氣攻上來, 透心涼!
甜美起沙的西瓜加上涼粉的少少澀味, 好正! 好好味!
買了半邊台灣的小西瓜, 原來都好甜!
都不用加糖和椰奶了! 
涼粉清熱有少量鈣質, 水果有維他命 C, 幾好有益健康的配塔!
好友♦･ﾟ☼早晨&午安好☁*`☀::mm1583
回覆刪除點簡易的甜品,我都做唔得到好味的
神鳯, 午安!
刪除你是大厨做得一桌好餸菜, 做簡單的甜品可能反而不慣呢! 留返我尼啲煮食初哥做啦! :))
哈哈...好友,講得對,
刪除叫我煮一桌餸菜感覺容易好多,
番易做甜品就唔識點解決了
好友♦･ﾟ☼黃昏好&傍晚好☁*`☀╠╣aΡｐy週二
刪除WoW，睇見都透心涼，唔，我又要去雪櫃食番杯啫喱加花奶先！
回覆刪除Stella Luk, 午安!
刪除又近午餐, 飯後吃番杯啫喱都不錯! ^^
諗起以前試過整三色啫哩糖，要逐層等佢凝固，好花時間的。
回覆刪除Small U., 午安!
刪除是呀! 多層要花時間等逐層凝固 :) ... 小時我都試過做雙色的, 三色或更多就記不起了 ... 細個真是什麼都覺新鮮、好玩! :x
我鍾意食涼粉，但唔鍾意食啫喱。
回覆刪除Samwei, 午安!
刪除涼粉有益, 食法多, 我都鐘意! 不過買 10.- 一塊拿着上斜時好像塊磚咁重, 啫喱就輕得多 ... 走平路好些 :)
雙色啫喱加花奶, 正 ,
回覆刪除小時候特別喜歡 !
Wong Eddy, 午安!
刪除小時候啫喱加花奶簡直是美食! 記得那時花奶的流行牌子是三花、雙囍、荷蘭 ...
睇見都透心涼！
回覆刪除Teddy Kiu, 晚上好!
刪除天氣熱, 吃凍甜品實在透心涼啊! :)
好正，好味道！
回覆刪除Story Teller, 晚上好!
刪除小朋友, 你想吃什麼呀!?
大菜糕
回覆刪除加蛋
大夫, 午安!
刪除我也做過大菜糕, 清熱吧? 很久沒吃過了 ...