聖誕鐵板餐 商場明星 show

聖誕正日(25/12)逛街買了雜物經過商場回家, 剛好到5時有特備節目, 有洪卓立、泳兒 和 William作表演家賓, 平時都冇留意佢地, 只知泳兒聲幾靚, 不知是現場收音響還是別的因素? 覺得她有點咬字不清, 很多歌詞都不知道唱什麼?

有點意外孱仔洪卓立唱得字清, 把聲又幾好聽! William 勁舞出位, 有點像 Hip Hop, 衣飾飛揚, 還有兩位 Dance 伴舞, 精彩到不得了, 排場最巴閉, 都沒留意佢唱功也很吸引! 總之就係好!



由於家裏不煮飯, 想到大家樂食火煱, 不過靚款賣光, 改吃鐵板, 叫餐個呀嬸遲遲沒叫我的非號, 便走到台問這份是不是212, 答:是! 惹我怨道: 等響度又唔叫! 埋位倒汁下去煙都少D!

炸蕃薯幾甜, 炸蝦餅都幾好吃, 扒都幾軟滑... 不久見坐在對面的男人的火煱煲沒煲蓋, 水遲遲不滾, 怪不得沒有給蒸面的啦! 好奇問佢... 我說: 你叫佢地(侍仔)比返你嘛, 唔出聲佢地咪"恰"你囉! 答: 係咁架啦!

估不到不還有這種自願給人欺負的人, 是善還是蠢? 當然最後佢是要回蓋子啦!

歸家到鴻福堂買了腐竹白果糖水, 滿足地回家了!